कर्म घ्याचो गुृरुङ

श्री जनशान्ति माध्यमिक विद्यालय यस गाउँपालिकाकै एकमात्र माध्यमिक विद्यालय भएको हुँदा कागवेनी गाउँ र यस विद्यालयको सेवा क्षेत्र वारागुङ मुक्तिक्षेत्र अन्तर्गतका आधारभूत विद्यालयहरु नै मुख्य रुपमा पर्दछन् । वि.सं. २०६१ सालमा यस विद्यालय देखि २ कि.मी. उत्तर पश्चिममा रहेको  तिरी गाउँको तत्कालिन श्री तिरी प्रा.वि. यसै विद्यालय सँगै गाभिए पछि उक्त गाउँ पनि यसै विद्यालयको सेवाक्षेत्र भित्र पर्न जान्छ ।यद्यपि सेवाक्षेत्र भित्रका विद्यार्थीहरु अत्यन्तै कम र गण्डकी प्रदेश, कर्णाली प्रदेश लगायतका करिच १७ जिल्लाबाट रोजगार तथा व्यवसायको सिलसिलामा यस क्षेत्रमा बसाईसराइ गरि आएका अभिभावकका बालबालिकाहरु यस विद्यालयमा अध्ययनरत छन् । यस विद्यालयको नि.मा.वि. र मा.वि. तहको सेवाक्षेत्रको रुपमा वि.सं. २०६१ सालमा छुसाङ, झोङ र झारकोटका नि.मा.वि.हरु पनि यसै विद्यालयमा गाभिए पछि अलि फराकिलो भएको छ । तसर्थ यस विद्यालयको सेवाक्षेत्रको रुपमा यसै गाउँपालिका कागवेनीका पाङ्लिङ, फल्याक, धाकारजुङ, तिरी, शाङ्ता गाउँ लगायत छुसाङ, झोङ र मुक्तिनाथ गाउँहरुलाई मुख्य सेवाक्षेत्रको रुपमा पहिचान गरिएको छ ।